Ons vier vandag die 150ste herdenking sedert die stigting van die Genootskap van Regte Afrikaners (GRA). Dis is ‘n besondere geleentheid aangesien dit ook saamval met die eeufeesviering van Afrikaans as amptelike taal.
Gisteraand het die AP Akademie, in samewerking met die FAK, ‘n Eeufeesglansaand by die Voortrekkermonument aangebied met musiek, poësie, bekende Afrikaanse liedere en samesang ter herdenking van Afrikaans 100 en die GRA se 150 ste bestaansjaar. Baie dankie aan almal wat dit bygewoon het! Die glansaand sal binnekort op Boermedia se kanaal beskikbaar wees!
Sondag is Vadersdag! Ons moet natuurlik elke dag vaders se rol in die samelewing en in ons gesinne waardeer en koester, nie net op dié spesifieke dag nie, maar vadersdag bied ’n unieke geleentheid om te fokus op hoe belangrik pa’s se rol in gesonde gesinne is. Dit skep ’n geleentheid om dankbaarheid te wys aan elke vader wat dié belangrike rol ernstig opneem.