Watter taal het Adam en Eva gepraat?

Watter taal het Adam en Eva gepraat?

prof. Gerrit Smit

Die Bybel dui nie aan of daar onderskeid was tussen die taal wat die mense voor die sondvloed gepraat het en die taal wat hulle daarna gepraat het nie. Volgens die ou Joodse geleerdes het Adam ‘n spesiale taal gepraat waarmee hy met God kon kommunikeer. Ons weet nie of daar so taal bestaan het nie want die Bybel maak ook nie melding daarvan nie. Volgens die Mormone (wat hulle eie Bybel het en nie die Bybel van die Christene gebruik nie) was daar wel so taal wat hulle die Adam-taal noem. Die res van die Christendom aanvaar nie die stelling nie.

In die tyd van Noag het die mense reeds ‘n taal gepraat wat baie naby aan Hebreeus was. Sommige meen dit kon Ugarities gewees het (een van die vroeë spykerskrif tale). Ugarities is ‘n vroeë dialek van Hebreeus. Geleerdes noem hierdie taal proto-Semities omdat dit die Semitiese tale (waaronder Hebreeus val) voorafgaan. Ek is dus van mening Noag en sy familie het proto-Semities gepraat, hoewel ons nie met sekerheid kan sê nie.